ᥟᥦᥢᥱ ᥖᥣᥐ ᥖᥤᥱ ᥐᥣᥱ
ᥘᥪᥛᥴ ᥟᥦᥢᥱ ᥖᥣᥐ ᥖᥤᥱ ᥐᥣ ᥙᥥᥢ ᥘᥪᥛᥴ ᥘᥤᥢ ᥟᥢ ᥕᥬᥱ ᥔᥥᥴ ᥙᥫᥢ ᥖᥤ ᥔᥧᥖᥴ ᥗᥨᥢᥲ ᥗᥤᥳ ᥞᥣᥲ ᥖᥤ ᥘᥬᥰ ᥘᥧᥛ ᥜᥣᥳ ᥘᥭᥳ ᥕᥝᥳ. ᥛᥣᥭᥴ ᥓᥤᥐᥴ ᥓᥣᥢᥰ ᥘᥧᥛ ᥜᥣᥳ ᥘᥭᥳ ᥛᥤᥰ ᥖᥤ ᥘᥪᥛᥴ ᥘᥭᥳ ᥕᥝᥳ. ᥟᥦᥢᥱ ᥖᥣᥐ ᥖᥤᥱ ᥐᥬᥱ ᥛᥤᥰ ᥖᥣᥒᥰ ᥘᥦᥢ ᥐᥣᥒᥲ ᥞᥣᥲ ᥘᥣᥢᥳ ᥘᥩᥐᥴ ᥘᥐᥴ (12,944,500 ᥐᥤᥱ ᥘᥨᥝᥱ ᥛᥤᥱ ᥖᥣᥱ)ᥕᥝᥳ. ᥖᥤ ᥘᥭᥳ ᥘᥭᥳ ᥙᥥᥢ ᥘᥦᥢ ᥖᥤ ᥟᥢ ᥐᥖᥴ ᥔᥥᥴ ᥙᥫᥢ ᥖᥤ ᥔᥧᥖᥴ ᥘᥬᥰ ᥘᥧᥛ ᥜᥣᥳ ᥕᥝᥳ. ᥘᥒᥴ ᥘᥤᥢ ᥘᥭᥳ ᥘᥭᥲ ᥑᥣᥛᥱ ᥖᥣᥒᥰ ᥛᥨᥭᥴ ᥞᥣᥴ ᥑᥝᥴ ᥗᥨᥛᥴ ᥝᥭᥳ ᥖᥣᥱ ᥖᥣᥒᥰ ᥘᥣᥴ ᥛᥩᥐ ᥕᥥ ᥘᥐᥴ ᥔᥥᥴ ᥚᥒᥴ ᥛᥤᥰ ᥕᥧᥱ ᥖᥣᥒᥰ ᥖᥬᥲ ᥝᥭᥳ ᥕᥝᥳ. ᥙᥩᥰ ᥘᥬᥰ ᥑᥣᥝᥰ ᥐᥖᥴ ᥘᥭᥴ ᥖᥤ ᥘᥢᥳ ᥐᥭᥳ ᥛᥤᥰ ᥖᥣᥒᥳ ᥛᥭᥲ 100 ᥖᥣᥒᥳ ᥜᥣᥱ ᥞᥦᥢᥱ ᥞᥣᥭᥳ ᥚᥣᥭᥱ ᥖᥬᥲ ᥛᥣᥭᥴ ᥔᥧᥢᥴ (73 ᥔᥦᥢᥱ ᥖᥤᥱ ᥐᥣ ᥘᥦᥖᥳ) ᥐᥩᥢᥱ ᥕᥝᥳ.
.svg) | |
| ᥟᥥᥱ ᥘᥤᥳ ᥕᥣᥱ | 14,200,000 km²[1] 5,500,000 sq mi |
|---|---|
| ᥞᥨᥝᥴ ᥐᥨᥢᥰ | 1,000 to 5,000 (seasonal) |
| ᥘᥩᥒ ᥔᥖᥳ ᥞᥨᥝᥴ ᥐᥨᥢᥰ |
<0.01 per km² <0.01 per sq mi |
| ᥐᥨᥢᥰ ᥑᥫᥰ ᥕᥧᥱ ᥔᥝᥰ | Antarctic |
| ᥖᥨᥝᥱ ᥛᥥᥒᥰ ᥟᥤᥢᥱ ᥗᥣᥱ ᥢᥦᥖᥳ | .aq |
| ᥝᥥᥒᥰ ᥟᥢ ᥕᥬᥱ ᥔᥥᥴ ᥙᥫᥢ | |
ᥖᥨᥢᥲ ᥟᥩᥢᥱ ᥛᥣᥒ ᥓᥫᥰ ᥟᥛᥱ ᥘᥢᥴ ᥖᥨᥝ ᥔᥖᥴ ᥑᥝᥴ ᥛᥣᥒ ᥚᥩᥒ ᥐᥩᥭᥰ ᥓᥣᥒ ᥓᥒᥲ ᥑᥣᥛᥱ ᥘᥭᥲ ᥖᥣᥒᥰ ᥐᥖᥴ ᥖᥤ ᥘᥢᥳ. ᥙᥩᥰ ᥑᥣᥝᥰ ᥛᥭᥲ ᥘᥭᥴ ᥖᥝᥰ ᥐᥭᥰ ᥘᥦᥲ ᥖᥨᥢᥲ ᥟᥩᥢᥱ ᥟᥩᥢ ᥑᥝᥴ ᥛᥣᥒ ᥓᥫᥰ ᥓᥣᥒ ᥟᥩᥐᥱ ᥖᥤ ᥟᥩᥒᥱ ᥛᥣᥒ ᥖᥤ ᥘᥬ ᥕᥧᥱ, ᥖᥨᥝ ᥔᥖᥴ ᥟᥢ ᥕᥧᥱ ᥖᥤ ᥟᥦᥢᥱ ᥖᥣᥐ ᥖᥤᥐᥳ ᥘᥭᥴ ᥑᥝᥴ ᥐᥤᥢ ᥙᥣ ᥖᥒᥰ ᥖᥨᥝ ᥔᥖᥴ ᥙᥣᥒᥱ ᥘᥣᥭᥱ ᥘᥬ ᥕᥝᥳ. ᥛᥨᥢᥲ ᥙᥣᥒᥱ ᥘᥣᥭᥴ ᥑᥝᥴ, ᥙᥣ ᥘᥨᥒᥴ ᥛᥫᥒᥰ ᥑᥝᥴ, ᥔᥛᥳ ᥖᥒᥰ ᥘᥨᥐ ᥑᥝᥴ ᥓᥫᥰ ᥘᥭᥳ ᥘᥥᥱ ᥕᥧᥱ ᥓᥩᥛᥰ ᥜᥣᥒᥱ ᥑᥛᥳ ᥟᥦᥢᥱ ᥖᥣᥐ ᥖᥤᥱ ᥐᥬᥱ ᥕᥝᥳ.
ᥛᥫ ᥙᥤ 1911 ᥘᥤᥲ ᥘᥢᥳ, ᥞᥨᥭᥴ ᥟᥣ ᥛᥧᥢᥳ ᥔᥦᥢᥰ ᥙᥥᥢ ᥐᥣᥳ ᥟᥩᥢ ᥖᥣᥒᥰ ᥔᥧᥖᥴ ᥙᥫᥢ ᥖᥣᥱ ᥐᥣᥱ ᥑᥣᥝᥰ ᥖᥣᥒᥰ ᥞᥬᥲ ᥗᥪᥒᥴ ᥖᥤ ᥙᥣᥭ ᥓᥤᥐᥴ ᥓᥣᥢᥰ ᥘᥢᥳ ᥕᥝᥳ. ᥖᥨᥝᥱ ᥝᥢᥰ ᥛᥫ ᥘᥭᥳ ᥙᥩᥖᥴ ᥖᥩᥢ ᥟᥦᥢᥱ ᥖᥣᥐ ᥖᥤᥱ ᥐᥬᥱ ᥞᥛᥳ ᥘᥛᥴ ᥘᥭᥳ ᥕᥒᥰ ᥙᥭᥱ ᥘᥭᥲ ᥜᥣᥭ ᥞᥣᥴ ᥞᥢᥴ ᥘᥧᥰ ᥐᥩᥢᥱ. ᥐᥩᥭᥰ ᥘᥣᥱ ᥓᥝᥲ ᥙᥣᥭᥰ ᥔᥣᥭ ᥑᥝᥴ ᥖᥥᥳ ᥔᥪᥙᥱ ᥞᥥᥖᥱ ᥘᥩᥒ ᥘᥥᥙ ᥞᥥᥢᥰ ᥑᥝᥴ ᥖᥨᥝᥱ ᥖᥤ ᥘᥦᥢ ᥞᥣᥴ ᥐᥖᥴ ᥘᥨᥒᥴ ᥘᥭᥳ ᥝᥭᥳ ᥕᥧᥱ.
ᥘᥩᥐ ᥔᥥᥴ ᥖᥤ ᥓᥤᥐᥴ ᥘᥩᥭ ᥕᥝᥳ ᥘᥩᥭ ᥔᥧᥒᥴ ᥛᥣᥒ ᥓᥫᥰ ᥛᥨᥭᥴ ᥖᥒᥰ ᥞᥣᥴ ᥑᥝᥴ ᥔᥧᥛᥱ ᥞᥨᥛᥱ ᥘᥣᥲ ᥘᥤᥢ ᥖᥤ ᥟᥦᥢᥱ ᥖᥣᥐ ᥖᥤᥱ ᥐᥬᥱ ᥝᥭᥳ ᥔᥥᥒᥲ ᥔᥥᥒᥲ ᥕᥧᥱ ᥕᥝᥳ. ᥙᥥᥖᥱ ᥓᥥᥒ ᥑᥖ ᥐᥨᥝᥱ ᥞᥒᥰ ᥕᥧᥱ ᥓᥩᥛᥰ ᥜᥣᥒᥱ ᥘᥛᥳ ᥟᥦᥢᥱ ᥖᥣᥐ ᥖᥤᥱ ᥐᥬᥱ ᥕᥝᥳ.
ᥙᥫᥒ ᥟᥤᥒ
ᥛᥨᥢᥳ ᥛᥥᥰ- ↑ United States Central Intelligence Agency (2011). Antarctica. The World Factbook. Government of the United States. Archived from the original on 25 December 2018။ Retrieved on 14 September 2017။