ᥟᥣ ᥘᥩᥒᥰ ᥞᥩᥢᥴ ᥑᥛᥰᥘᥧᥐ ᥑᥧᥢᥴ ᥝᥢᥰ

ᥟᥣ ᥘᥩᥒᥰ ᥞᥩᥢᥴ ᥑᥛᥰᥘᥧᥐ ᥑᥧᥢᥴ ᥝᥢᥰ 傣族百国战争之《太阳神之子》

ᥛᥧᥱ ᥛᥫ ᥓᥝᥳ ᥛᥫ ᥘᥢᥱ ᥘᥢᥳ，ᥕᥧᥱ ᥟᥪᥒᥱ ᥖᥤ ᥟᥩᥒᥲ ᥕᥧᥱ ᥖᥢᥰ ᥔᥝᥰ ᥟᥣ ᥛᥥᥝᥰ ᥖᥭᥰ，ᥛᥤᥰ ᥐᥨᥝᥱ ᥙᥣᥐᥱ ᥖᥫᥒᥰ ᥞᥤᥛᥴ ᥖᥫᥐᥱ ᥐᥢ，ᥑᥤᥒᥱ ᥖᥤ ᥕᥣᥛᥰ ᥘᥢᥳ，ᥐᥧ ᥙᥤ ᥐᥧ ᥞᥥᥖᥱ ᥖᥤᥴ ᥐᥢ，ᥐᥝ ᥞᥤᥛᥴ ᥛᥬᥰ ᥛᥬᥰ ᥞᥤᥛᥴ ᥐᥝ ；ᥛᥣᥒ ᥙᥩᥐ ᥖᥨᥝ ᥔᥛᥳ ᥚᥩᥛᥳ ᥐᥢ ᥔᥥᥴ ᥞᥥᥳ ᥖᥙ ᥖᥣᥒᥱ ᥓᥫᥳ ᥖᥣᥒᥱ ᥛᥥᥝᥰ ᥛᥣᥰ ᥓᥤᥒᥰ ᥓᥣᥛᥱ。ᥕᥧᥱ ᥘᥬᥰ ᥙᥣᥐᥱ ᥖᥫᥒᥰ ᥘᥭᥳ，ᥝᥭᥳ ᥖᥫᥒᥰ ᥟᥣ ᥙᥧᥱ ᥘᥣ ᥑᥝᥴ ᥘᥒᥴ ᥘᥤᥢ ᥐᥣᥒᥲ ᥔᥤᥴ ᥙᥫᥢ，ᥐᥨᥢᥰ ᥛᥫᥒᥰ ᥐᥩᥲ ᥛᥣᥐ ᥛᥤᥰ ᥔᥤᥴ ᥙᥫᥢ，ᥘᥛᥳ ᥞᥦᥒᥰ ᥖᥫᥒᥰ ᥐᥣᥰ ᥐᥩᥲ ᥕᥬᥱ ᥔᥤᥴ ᥙᥫᥢ。

古时候，在傣族居住的地方，有过一个百国战争的时期。由于各国之间连年冲突，相互侵凌，但又相互依存，以抵御外来的侵犯。所以，也成为傣族百国并存的时期，在百国之中，领土最宽广，人民最富裕，国力最强大的，要算是阿布拉国。

ᥟᥩᥒᥲ ᥛᥫᥒᥰ ᥓᥝᥲ ᥛᥫᥒᥰ ᥞᥨᥝᥴ ᥑᥝᥴ ᥖᥒᥲ ᥖᥤ ᥝᥥᥒᥰ ᥗᥣᥲ ᥘᥤᥱ，ᥘᥒᥴ ᥘᥤᥢ ᥔᥛᥳ ᥐᥣᥒᥲ ᥔᥛᥳ ᥙᥥᥒᥰ，ᥝᥥᥒᥰ ᥔᥣᥒᥳ ᥙᥨᥝᥳ ᥘᥭᥲ ᥔᥧᥒᥴ ᥟᥣ ᥘᥣᥰ ᥖᥥᥳ ᥖᥥᥳ，ᥘᥛᥳ ᥑᥥᥰ ᥔᥛᥳ ᥐᥩᥖᥱ ᥞᥩᥙ ᥞᥤᥛᥰ ᥝᥥᥒᥰ ᥝᥭᥳ ；ᥘᥣᥲ ᥝᥥᥒᥰ ᥙᥩᥭᥱ ᥔᥤᥱ ᥙᥣᥲ ᥔᥤᥱ ᥘᥣᥲ，ᥘᥧᥐ ᥞᥨᥝᥴ ᥘᥬᥴ ᥗᥪᥒᥴ ᥐᥣᥒ ᥑᥛ，ᥐᥨᥢᥰ ᥐᥣᥳ ᥘᥩᥐ ᥖᥫᥒᥰ ᥐᥣᥱ ᥛᥣᥰ ᥕᥒ ᥗᥣᥖᥱ，ᥔᥛᥳ ᥛᥤᥰ ᥜᥧᥒᥴ ᥟᥣ ᥛᥣᥖ ᥐᥧ ᥖᥫᥒᥰ ᥙᥣᥰ ᥟᥝ ᥑᥫᥒ ᥔᥦᥒᥴ ᥑᥨᥝᥰ ᥑᥛᥰ ᥟᥥᥐᥱ ᥜᥧᥒᥴ ᥓᥣᥒᥳ、ᥜᥧᥒᥴ ᥛᥣᥳ ᥛᥣᥰ ᥔᥨᥒᥱ ᥘᥣᥙ，ᥘᥬᥰ ᥝᥥᥒᥰ ᥖᥤ ᥗᥢᥲ ᥖᥨᥝ ᥛᥨᥢ ᥛᥨᥒ ᥛᥨᥝᥰ ᥛᥨᥝᥰ ᥖᥥᥳ。ᥖᥨᥝ ᥙᥥᥢ ᥟᥩᥒᥲ ᥖᥤ ᥘᥧᥛᥰ ᥙᥣᥐᥱ ᥖᥫᥒᥰ ᥟᥢ ᥟᥧᥐ ᥓᥣᥱ ᥐᥣᥱ ᥛᥣᥰ，ᥐᥣᥢ ᥛᥣᥢᥲ ᥛᥧᥰ ᥛᥫᥒᥰ ᥐᥣᥱ ᥛᥣᥰ ᥘᥢᥳ ᥖᥤ ᥘᥫᥒ。ᥐᥩᥭᥰ ᥜᥧᥒᥴ ᥓᥣᥒᥳ ᥘᥧᥐ ᥔᥫᥐᥱ ᥙᥨᥝᥰ ᥛᥤᥰ ᥞᥣᥲ ᥙᥣᥐᥱ ᥖᥧᥭᥱ，ᥞᥨᥝᥴ ᥑᥛᥰ ᥟᥩᥐᥱ ᥞᥣᥒᥲ ᥞᥨᥝᥴ ᥖᥨᥝ ᥘᥨᥝᥱ ᥔᥤᥱ ᥓᥣᥒᥳ ᥚᥫᥐᥱ ᥘᥨᥒᥴ，ᥗᥢᥱ ᥚᥧᥒᥰ ᥕᥬᥱ ᥚᥧᥒᥰ ᥘᥨᥒᥴ ᥖᥥᥳ，ᥚᥬᥴ ᥐᥩᥲ ᥕᥒᥰ ᥖᥦᥐ ᥖᥤᥰ ᥘᥭᥲ。ᥘᥛᥳ ᥑᥥᥰ ᥔᥥᥢᥲ ᥘᥩᥛᥳ ᥞᥤᥛᥰ ᥝᥥᥒᥰ ᥘᥢᥳ ᥗᥢᥱ ᥔᥩᥒᥱ ᥔᥩᥒᥱ ᥔᥬᥴ ᥔᥬᥴ，ᥘᥧᥐ ᥖᥤ ᥐᥭ ᥖᥨᥭᥰ ᥐᥣᥱ，ᥝᥥᥒᥰ ᥘᥨᥒᥴ ᥝᥥᥒᥰ ᥘᥭᥳ ᥗᥢᥱ ᥞᥫ ᥞᥫᥒᥰ ᥙᥫᥒᥰ ᥔᥬᥴ ，ᥙᥫ ᥘᥭᥴ ᥙᥫᥢ ᥓᥒᥱ ᥞᥩᥒᥳ ᥝᥣ ᥙᥤᥢ ᥝᥥᥒᥰ ᥘᥨᥒᥴ ᥕᥧᥒᥰ ᥑᥛᥰ ᥝᥣ ᥘᥭᥴ，ᥘᥬᥰ ᥝᥥᥒᥰ ᥘᥭᥳ ᥛᥤᥰ ᥘᥧᥐ ᥔᥫᥐᥱ ᥔᥤᥙᥴ ᥙᥣᥭ ᥛᥧᥢᥱ ᥙᥬᥳ ᥕᥥᥛᥲ；ᥛᥫ ᥝᥢᥰ ᥐᥨᥢᥰ ᥛᥫᥒᥰ ᥖᥨᥝ ᥙᥣᥖ ᥙᥥᥱ ᥘᥥᥱ ᥔᥣᥱ ᥖᥥᥳ。

阿布拉国，京都塔丽王城，建筑在方圆十眼里广阔的平原上，城墙高耸，护城河挖得很深，四面开设城门，从早到晚，各国商人，熙来攘往，还有各国使臣朝贡的金银珠宝，象群，马队好不热闹，形成了百国的经济、政治中心。阿布拉国的战象就有500队，国王出入宫廷，都骑大白象，威风凛凛，谁也比不上他。阿布拉国，这富丽雄伟的皇城河，远远看去一片金碧辉煌，霞光闪闪，被人们誉称为“孔雀神之城”，有10万驻军守卫着它，让城中的千千万万人过得幸福的生活。

ᥐᥩᥭᥰ ᥝᥣ，ᥞᥨᥝᥴ ᥑᥛᥰ ᥛᥫᥒᥰ ᥟᥣ ᥙᥧᥱ ᥘᥣ ᥕᥒ ᥛᥤᥰ ᥘᥧᥐ ᥓᥣᥭᥰ，ᥐᥩᥭᥰ ᥛᥤᥰ ᥘᥣᥒᥰ ᥔᥣᥝᥴ ᥟᥩᥢᥱ ᥐᥨᥝᥳ ᥘᥥᥝ，ᥘᥧᥐ ᥔᥣᥝᥴ ᥛᥢᥰ ᥓᥝᥲ ᥘᥭᥲ ᥓᥪ ᥘᥣᥒᥰ ᥛᥧᥲ ᥔᥧ。ᥟᥣ ᥔᥣᥐ ᥘᥭᥲ ᥔᥤᥙᥴ ᥞᥨᥐᥱ，ᥞᥣᥒ ᥘᥤ ᥞᥣᥒ ᥒᥣᥛᥰ，ᥞᥣᥒ ᥔᥦᥢᥲ ᥞᥣᥒ ᥛᥭᥱ，ᥙᥨᥝᥰ ᥘᥒᥱ ᥘᥣᥒᥰ ᥚᥤᥴ ᥘᥒᥱ ᥐᥢ。ᥖᥣᥢᥲ ᥑᥣᥛᥰ ᥙᥨᥝᥰ ᥘᥒᥱ ᥟᥥᥴ ᥘᥨᥐ ᥞᥩᥒᥳ ᥑᥣᥛᥰ，ᥙᥭ ᥖᥣᥒᥰ ᥙᥨᥝᥰ ᥘᥒᥱ ᥕᥧᥒᥰ ᥑᥛᥰ ᥛᥥᥢ。ᥙᥨᥝ ᥞᥐ ᥛᥥ ᥙᥦᥒᥰ，ᥐᥧ ᥝᥢᥰ ᥐᥧ ᥛᥤᥰ ᥘᥣᥒᥰ ᥓᥬᥳ ᥞᥣᥲ ᥙᥣᥐᥱ ᥐᥨᥝᥳ ᥛᥨᥢ ᥓᥩᥛᥰ，ᥟᥨᥭᥴ ᥛᥨᥝᥴ ᥙᥨᥝᥰ ᥑᥣᥛᥰ ᥐᥧ ᥝᥢᥰ ᥘᥬᥴ ᥕᥒ ᥗᥣᥖᥱ，ᥛᥥᥝᥰ ᥘᥬ ᥞᥩᥒᥳ ᥝᥣ ᥘᥩᥒ ᥛᥭᥲ ᥖᥣᥒᥰ ᥑᥤᥴ ᥛᥢᥰ ᥘᥣᥒᥰ ᥕᥒ ᥙᥭᥱ ᥘᥭᥲ ᥞᥧᥳ！

但是，威武的阿布拉王没有儿子，只有一颗掌上明珠，这独生独养的公主，名字叫婻木苏。公主年满16岁，长得非常美丽，浑身光泽芳香，和天仙女一样，她说话像鹦鹉在唱歌，她走路像孔雀在飞翔。父王母后太爱他，让500个宫女陪伴他，从早到晚在欢歌燕舞中度过，婻木苏公主，自小到大不知道什么是忧伤。

ᥘᥩᥒ ᥞᥣᥒ ᥘᥤ ᥘᥣᥒᥰ ᥛᥧᥲ ᥔᥧ，ᥗᥢᥱ ᥞᥥᥖᥱ ᥞᥬᥲ ᥘᥧᥐ ᥓᥣᥭᥰ ᥑᥧᥢᥴ ᥝᥢᥰ ᥐᥨᥝᥳ ᥘᥭᥲ ᥓᥪ ᥔᥧᥰ ᥘᥤᥱ ᥕᥣᥱ ᥘᥢᥳ ᥕᥩᥐᥱ ᥕᥩᥢᥲ ᥖᥩᥢᥲ ᥓᥬ ᥖᥥᥳ ᥖᥥᥳ。ᥛᥤᥰ ᥝᥢᥰ ᥘᥫᥒ ᥐᥣᥒ ᥑᥛ，ᥙᥥᥢ ᥓᥨᥝᥲ ᥘᥫᥢ ᥔᥤᥙᥴ ᥞᥣᥲ，ᥘᥫᥢ ᥘᥦᥒᥰ ᥓᥩᥒᥱ ᥑᥩᥒᥱ，ᥘᥣᥒᥰ ᥛᥧᥲ ᥔᥧ ᥟᥥᥢᥲ ᥙᥥᥝᥱ ᥟᥥᥢᥲ ᥔᥫᥰ ᥔᥥᥴ ᥐᥣᥱ ᥘᥫᥲ ᥘᥣᥙ，ᥘᥩᥢᥰ ᥘᥙᥴ ᥔᥥᥴ，ᥘᥬᥰ ᥖᥨᥝ ᥛᥢᥰ ᥗᥢᥱ ᥞᥩᥛᥴ ᥞᥩ ᥙᥨᥝᥰ ᥗᥪᥒᥴ ᥐᥣᥒ ᥞᥣᥝᥴ ᥐᥣᥱ ，ᥐᥛᥰ ᥘᥭᥳ ᥘᥧᥐ ᥓᥣᥭᥰ ᥓᥝᥲ ᥝᥢᥰ ᥔᥧᥰ ᥘᥤᥱ ᥕᥣᥱ ᥔᥛᥳ ᥘᥨᥒᥰ ᥐᥣᥒ ᥞᥣᥝᥴ ᥛᥣᥰ ᥘᥥᥱ ᥟᥥᥢᥲ，ᥓᥝᥱ ᥘᥨᥛ ᥓᥨᥝᥲ ᥟᥣᥭ ᥞᥩᥛᥴ ᥘᥣᥒᥰ ᥔᥥᥴ ᥛᥥᥢ ᥛᥣᥰ ᥘᥫᥴ ᥞᥣᥒᥲ ᥘᥣᥒᥰ ᥘᥩᥢᥰ ᥘᥢᥳ。