ᥟᥣ ᥛᥥᥱ ᥘᥤᥱ ᥑᥫᥰ ᥖᥬᥲ

ᥟᥣ ᥛᥥᥱ ᥘᥤᥱ ᥐᥣᥳ ᥓᥣᥢᥰ ᥙᥥᥢ ᥘᥪᥛ ᥟᥢ ᥕᥬᥱ ᥔᥤᥴ ᥙᥫᥢ ᥗᥨᥢᥲ ᥔᥤᥱ. ᥛᥢᥰ ᥛᥤᥰ ᥖᥣᥒᥰ ᥕᥣᥝᥰ ᥛᥩᥐ 4,600 ᥘᥐᥴ(7,401 ᥐᥤᥱ ᥘᥨᥝᥱ ᥛᥤᥱ ᥖᥫᥱ. ᥙᥩᥰ ᥟᥝ ᥖᥤ ᥟᥢ ᥐᥣᥒᥲ ᥔᥥᥴ ᥙᥫᥢ ᥛᥢᥰ ᥘᥢᥳ ᥝᥣ ᥘᥭᥴ ᥛᥢᥰ ᥘᥭᥳ ᥛᥤᥰ 3,000 ᥘᥐᥴ(4,827 ᥐᥤᥱ ᥘᥨᥝᥱ ᥛᥤᥱ ᥖᥣᥱ)ᥘᥫᥴ, ᥟᥢ ᥘᥧᥐᥳ ᥖᥣᥒᥰ ᥟᥩᥐᥱ ᥖᥦᥐ ᥓᥧᥰ ᥖᥣᥒᥰ ᥖᥨᥐᥱ ᥘᥢᥳ ᥕᥝᥳ.

ᥟᥣ ᥛᥥᥱ ᥘᥤᥱ ᥐᥣᥳ ᥓᥣᥢᥰ ᥘᥭᥳ ᥛᥤᥰ ᥘᥦᥢ ᥛᥫᥒᥰ ᥟᥢ ᥙᥦᥐᥱ ᥙᥫᥒ ᥐᥢ ᥘᥣᥱ ᥘᥢᥳ ᥘᥣᥭᥴ ᥓᥫᥳ ᥝᥭᥳ ᥕᥝᥳ. ᥛᥢᥰ ᥛᥤᥰ ᥘᥩᥭ ᥘᥨᥒᥴ, ᥘᥦᥢ ᥘᥣᥲ ᥘᥤᥢ ᥔᥧᥒᥴ, ᥞᥨᥭᥲ ᥞᥪᥐᥱ, ᥙᥣᥱ ᥞᥣᥖᥱ ᥔᥣᥭᥰ, ᥗᥫᥢᥱ ᥛᥭᥳ ᥘᥦᥢ ᥛᥫᥒᥰ ᥛᥭᥲ ᥖᥢ ᥘᥣᥴ, ᥙᥣᥒᥱ ᥙᥣᥱ ᥕᥫᥲ, ᥘᥦᥢ ᥙᥥᥒᥰ ᥘᥨᥒᥴ, ᥖᥒᥰ ᥘᥛᥳ ᥑᥥᥰ ᥕᥬᥱᥘᥨᥒᥴ ᥛᥫᥒᥴ ᥘᥒᥱ ᥘᥛᥳ ᥘᥨᥒᥴ ᥟᥣ ᥛᥥᥱ ᥔᥨᥢ ᥖᥒᥰ ᥟᥨᥝ ᥞᥤᥢᥰ ᥢᥨᥝᥰ ᥐᥨᥝᥰ ᥑᥝᥴ ᥘᥭᥴ ᥕᥝᥳ. ᥟᥦᥢᥰ ᥖᥤ ᥔᥣᥳ ᥟᥢ ᥙᥥᥢ ᥞᥣᥝᥰ ᥘᥩᥭ ᥘᥨᥒᥴ ᥟᥢ ᥢᥣᥒᥴ ᥕᥣᥝᥰ ᥐᥭ ᥔᥥᥴ ᥙᥫᥢ ᥖᥤ ᥔᥧᥖᥴ ᥘᥬᥰ ᥘᥧᥛ ᥜᥣᥳ ᥙᥧᥢᥳ ᥖᥤ ᥙᥣᥱ ᥘᥭᥳ ᥔᥛᥳ ᥖᥖᥴ ᥚᥣᥖ ᥘᥨᥒᥰ ᥔᥪᥲ ᥔᥪᥲ ᥓᥩᥛᥰ ᥙᥩᥖᥴ ᥖᥩᥢᥲ ᥚᥣᥭᥴ ᥖᥨᥐᥱ ᥘᥪᥛᥴ ᥘᥤᥢ ᥘᥨᥒᥴ ᥕᥝᥳ. ᥘᥩᥭ ᥘᥨᥒᥴ ᥛᥩᥒᥳ ᥖᥣᥳ ᥟᥣ ᥐᥩᥢᥰ ᥐᥣᥰ ᥐᥧᥰ ᥟᥣᥰ ᥖᥤ ᥟᥣᥱ ᥓᥦᥢᥱ ᥖᥤᥰ ᥘᥬᥰ ᥖᥒᥰ ᥠᥤ ᥘᥣᥰᥘᥤᥰ ᥑᥝᥴ ᥘᥭᥳ ᥛᥤᥰ ᥖᥣᥒᥰ ᥔᥧᥒᥴ ᥗᥪᥒᥴ 22,834 ᥗᥖᥴ, (6,960 ᥛᥤᥰ ᥖᥣᥱ). ᥛᥢᥰ ᥘᥭᥳ ᥙᥥᥢ ᥓᥤᥐᥴ ᥘᥩᥭ ᥟᥢ ᥔᥧᥒᥴ ᥔᥧᥖᥴ ᥖᥤ ᥚᥣᥭᥱ ᥐᥣᥭ ᥙᥧᥢᥳ ᥖᥤ ᥙᥣᥱ ᥖᥣᥒᥰ ᥖᥨᥐᥱ. ᥟᥣ ᥛᥥᥱ ᥘᥤᥱ ᥐᥣᥳ ᥓᥣᥢᥰ ᥘᥭᥳ ᥛᥤᥰ ᥚᥣᥭᥱ ᥖᥬᥲ ᥖᥣᥒᥰ ᥔᥣᥭᥴ ᥐᥣᥒ ᥘᥦᥲ ᥜᥤᥒᥲ ᥑᥣᥝᥰ ᥛᥢᥰ ᥘᥭᥳ ᥓᥒᥱ ᥘᥭᥲ ᥙᥤᥢᥲ ᥚᥫᥢ ᥐᥢ ᥖᥒᥰ ᥓᥫᥰ ᥟᥢ ᥛᥤᥰ ᥖᥤ ᥟᥣ ᥛᥥᥱ ᥘᥤᥱ ᥐᥣᥳ ᥞᥩᥒᥱ ᥑᥝᥴ ᥘᥢᥳ ᥕᥝᥳ.