ᥛᥫᥒᥰ ᥟᥤᥢᥱ ᥖᥨᥝᥱ ᥢᥤᥰ ᥔᥦᥰ
ᥛᥫᥒᥰ ᥟᥤᥢᥱ ᥖᥨᥝᥱ ᥢᥤᥰ ᥔᥦᥰ ᥘᥭᥳ ᥓᥪ ᥘᥧᥛᥰ ᥙᥥᥢ ᥓᥩᥛᥴ ᥙᥩᥒᥴ ᥓᥪᥒ ᥟᥤᥢᥱ ᥖᥨᥝᥱ ᥢᥤᥰ ᥔᥦᥰ ᥕᥝᥳ. ᥛᥫᥒᥰ ᥟᥤᥢᥱ ᥖᥨᥝᥱ ᥢᥤᥰ ᥔᥦᥰ ᥘᥭᥳ ᥘᥦᥢ ᥘᥤᥢ ᥛᥢᥰ ᥛᥤᥰ ᥖᥤ ᥐᥧᥢ ᥟᥥᥰ ᥔᥦᥰ ᥖᥒᥰ ᥐᥛᥳ ᥚᥩᥒ ᥔᥛᥳ ᥛᥤᥰ ᥖᥤ ᥟᥨᥝᥰ ᥔᥦᥢᥰ ᥢᥤᥰ ᥕᥣᥰ ᥕᥝᥳ. ᥛᥢᥰ ᥛᥤᥰ ᥝᥭᥳ ᥖᥤ ᥘᥬᥰ ᥐᥣᥒ ᥟᥤᥢᥰ ᥖᥤᥰ ᥕᥣᥰ ᥔᥣ ᥛᥧᥐ ᥖᥣᥱ ᥕᥣᥱ ᥖᥒᥰ ᥙᥖ ᥔᥤᥳ ᥚᥤᥖ ᥔᥣ ᥛᥧᥐ ᥖᥣᥱ ᥕᥣᥱ ᥕᥝᥳ. ᥙᥥᥢ ᥛᥫᥒᥰ ᥟᥢ ᥛᥤᥰ ᥐᥧᥢ ᥗᥪᥒᥴ ᥘᥪᥒ ᥛᥧᥢᥱ ᥔᥣᥛᥴ ᥞᥥᥒᥴ ᥙᥣᥭ ᥟᥫ. ᥐᥩᥙ ᥘᥭᥴ ᥙᥥᥢ ᥛᥫᥒᥰ ᥟᥢ ᥛᥤᥰ ᥐᥧᥢ ᥘᥛᥴ ᥔᥤᥴ ᥙᥫᥢ ᥘᥬᥰ ᥐᥛᥱ ᥚᥣᥱ ᥝᥭᥳ ᥕᥝᥳ. ᥖᥣᥒᥰ ᥐᥣᥒᥲ ᥖᥣᥒᥰ ᥕᥬᥱ ᥛᥢᥰ ᥛᥤᥰ ᥝᥭᥳ 735,359 ᥔᥖ ᥐᥩᥭᥰ ᥕᥣᥰ ᥘᥐ (1,904,569 ᥔᥖ ᥐᥩᥭᥰᥱ ᥕᥣᥰ ᥐᥤᥱ ᥘᥨᥝᥱ ᥛᥤᥱ ᥖᥣᥱ) ᥕᥝᥳ. ᥛᥢᥰ ᥙᥥᥢ ᥛᥫᥒᥰ ᥘᥣᥛᥱ ᥙᥣᥖ 14 ᥟᥢ ᥕᥬᥱ ᥔᥤᥴ ᥙᥫᥢ ᥘᥬᥰ ᥐᥛᥱ ᥚᥣᥱ ᥕᥝᥳ. ᥞᥨᥝᥴ ᥐᥨᥢᥰᥛᥫᥒᥰ ᥟᥤᥢᥱ ᥖᥨᥝᥱ ᥢᥤᥰ ᥔᥦᥰ ᥛᥤᥰ ᥛᥩᥐ 261 ᥘᥣᥢᥳ ᥘᥦᥲ ᥙᥥᥢ ᥛᥫᥒᥰ ᥘᥣᥛᥱ ᥙᥣᥖ 4 ᥟᥢ ᥛᥤᥰ ᥞᥨᥝᥴ ᥐᥨᥢᥰ ᥘᥛᥴ ᥔᥤᥴ ᥙᥫᥢ ᥕᥝᥳ. ᥘᥬᥰ ᥐᥣ ᥐᥨᥢᥰ ᥟᥢ ᥐᥨᥝᥰ ᥐᥩᥭᥱ ᥟᥤᥖ ᥔᥣᥱ ᥘᥢᥱ ᥚᥣᥱ ᥔᥣᥱ ᥘᥢᥳ, ᥛᥢᥰ ᥙᥥᥢ ᥛᥫᥒᥰ ᥟᥢ ᥛᥤᥰ ᥞᥨᥝ ᥐᥨᥢᥰ ᥛᥢᥰ ᥘᥛᥴ ᥔᥤᥴ ᥙᥫᥢ ᥕᥝᥳ. ᥖᥤ ᥘᥫᥴ ᥐᥧᥢ ᥓᥣᥰ ᥙᥣᥰ ᥘᥭᥳ, ᥙᥥᥢ ᥐᥧᥢ ᥟᥢ ᥛᥤᥰ ᥞᥨᥝᥴ ᥐᥨᥢᥰ ᥘᥛᥴ ᥔᥤᥴ ᥙᥫᥢ ᥘᥬᥰ ᥛᥫᥒᥰ ᥕᥝᥳ.