ᥘᥐᥴ ᥛᥫᥒᥰ ᥛᥫᥒᥰ ᥛᥦᥢᥱ ᥛᥣᥱ (2008)
ᥖᥩᥢᥲ ᥖᥣᥱ ᥓᥢ ᥘᥐᥴ ᥛᥫᥒᥰ ᥟᥢ ᥘᥭᥳ ᥛᥫ ᥙᥤ 1993 ᥘᥢᥳ ᥘᥭᥲ ᥖᥥᥱ ᥞᥩᥒᥳ ᥙᥣᥒ ᥐᥧᥛ ᥘᥨᥒᥴ ᥓᥫᥳ ᥓᥣᥖ ᥕᥝᥳ။ ᥚᥩᥒᥰ ᥛᥫ ᥞᥥᥖᥱ ᥙᥣᥒ ᥐᥧᥛ ᥘᥨᥒᥴ ᥓᥫᥳ ᥓᥣᥖ ᥟᥢ ᥘᥨᥒᥴ ᥙᥩᥒ ᥓᥪᥒ ᥔᥤᥛᥰ ᥟᥣᥱ ᥘᥣᥱ ᥐᥨᥝᥳ ᥟᥩᥢ ᥞᥨᥝᥴ ᥞᥥᥖᥱ ᥘᥢᥳ ᥓᥫᥰ ᥙᥥᥢ ᥚᥧᥱ ᥖᥣᥒ ᥖᥨᥝ ᥟᥣ ᥛᥣᥝᥰ ᥖᥣᥰ ᥖᥤᥱ ᥛᥨᥝᥱ ᥑᥥᥱ ᥘᥤᥱ ᥓᥤᥱ ᥟᥣ ᥚᥩᥭᥳ ᥔᥨᥐ ᥟᥢ ᥘᥭᥲ ᥟᥩᥒᥱ ᥙᥥᥳ ᥙᥣᥒ ᥘᥫᥐ ᥖᥒᥲ 1990 ᥘᥢᥳ ᥗᥧᥐᥱ ᥟᥝ ᥟᥩᥐᥱ ᥙᥦᥖ ᥖᥤ ᥙᥣᥒ ᥐᥧᥛ ᥘᥨᥒᥴ ᥓᥫᥳ ᥓᥣᥖ ᥛᥫ ᥙᥤ 1995 ᥘᥢᥳ ᥕᥝᥳ။ ᥞᥨᥛ ᥝᥣ ᥞᥩᥒᥳ ᥝᥣ ᥙᥣᥒ ᥐᥧᥛ ᥘᥨᥒᥴ ᥓᥫᥳ ᥓᥣᥖ ᥘᥭᥴ ᥔᥥᥴ ᥖᥣᥳ ᥘᥨᥒᥴ ᥙᥩᥒ ᥓᥪᥒ ᥔᥫᥐᥱ ᥑᥝᥴ ᥓᥢ ᥝᥭᥳ ᥓᥩᥛᥰ ᥘᥒᥱ ᥐᥣᥒ ᥓᥬ ᥑᥝᥴ ᥔᥥᥴ ᥓᥫᥰ ᥟᥢ ᥐᥨᥢᥰ ᥖᥨᥒᥳ ᥘᥪᥒᥴ ᥖᥩᥢᥲ ᥖᥣᥱ ᥖᥤᥱ ᥛᥨᥝᥱ ᥑᥣᥱ ᥘᥥᥱ ᥓᥤᥱ၊ ᥓᥫᥰ ᥟᥢ ᥐᥨᥢᥰ ᥓᥫᥳ ᥓᥣᥖ ᥟᥢ ᥐᥨᥢᥰ ᥟᥥᥱ ᥓᥫᥰ ᥘᥢᥳ ᥖᥣᥒᥱ ᥘᥣᥖ ᥛᥣᥰ ᥘᥢᥳ ᥑᥝᥴ ᥟᥛᥱ ᥖᥨᥭᥰ ᥞᥢᥴ ᥓᥩᥛᥰ။[1] ᥝᥣᥭᥰ ᥔᥥᥴ ᥘᥢᥳ ᥙᥣᥒ ᥐᥧᥛ ᥘᥨᥒᥴ ᥓᥫᥳ ᥓᥣᥖ ᥖᥥᥱ ᥟᥝ ᥚᥩᥒᥰ ᥖᥥᥱ ᥞᥥᥖᥱ ᥙᥣᥒ ᥐᥧᥛ ᥞᥪᥒᥴ 14 ᥙᥤ ᥗᥪᥒᥴ ᥛᥣᥰ ᥙᥤ 2008 ᥘᥢᥳ ᥙᥣᥒ ᥐᥧᥛ ᥘᥨᥒᥴ ᥘᥭᥲ ᥕᥝᥳ ᥖᥨᥝ ᥔᥥᥴ ᥖᥥᥱ ᥓᥢ ᥘᥐᥴ ᥛᥫᥒᥰ ᥙᥫᥒ ᥘᥫᥒᥰ ᥛᥢᥰ ᥕᥝᥳ။ ᥙᥤ 2008၊ ᥘᥫᥢ ᥛᥥᥱ (10) ᥖᥨᥝᥱ (24) ᥝᥢᥰ ᥘᥢᥳ ᥘᥭᥲ ᥞᥥᥖᥱ ᥙᥣᥒ ᥞᥙᥳ ᥞᥢᥴ ᥐᥣᥒ ᥓᥬ ᥐᥨᥢᥰ ᥛᥫᥢᥰ ᥙᥖᥴ ᥙᥪᥢᥳ ᥔᥥᥴ ᥟᥝ ᥖᥒᥰ ᥚᥩᥢᥰ ᥘᥭᥲ (93.82%) ᥔᥥᥴ ᥘᥭᥲ ᥛᥐᥴ ᥛᥢᥲ ᥛᥣᥰ ᥕᥝᥳ။