ᥒᥧᥰ ᥘᥫᥛᥴ
ᥒᥧᥰ ᥘᥫᥛᥴ (Python) ᥘᥭᥳ ᥙᥥᥢ ᥒᥧᥰ ᥟᥢ ᥟᥛᥱ ᥛᥤᥰ ᥐᥩᥒᥳ. ᥒᥧᥰ ᥘᥫᥛ ᥘᥭᥳ ᥐᥛᥳ ᥘᥛᥴ ᥑᥝᥴ ᥕᥧᥱ ᥖᥤ ᥐᥧᥢ ᥟᥣᥱ ᥚᥣᥱ ᥘᥤᥳ ᥐᥣᥳ, ᥐᥧᥢ ᥟᥥᥰ ᥡᥣᥰ ᥖᥒᥰ ᥐᥧᥢ ᥟᥩᥰ ᥔᥖᥴ ᥖᥥᥰ ᥘᥤᥰ ᥕᥣᥰ ᥕᥝᥳ. ᥘᥬᥰ ᥓᥫᥳ ᥒᥧᥰ ᥘᥭᥳ ᥒᥧᥰ ᥘᥫᥛᥴ ᥙᥥᥢ ᥒᥧᥰ ᥖᥨᥝ ᥕᥬᥱ ᥔᥤᥴ ᥙᥫᥢ ᥕᥝᥳ.
.jpg)
ᥘᥣᥭᥰ ᥞᥥᥖᥴ ᥔᥣᥒ
ᥒᥧᥰ ᥘᥪᥛᥴ ᥐᥛᥳ ᥘᥛᥴ ᥛᥧᥝᥴ ᥔᥪᥒᥱ ᥖᥨᥝ ᥑᥝᥴ ᥔᥥᥴ ᥙᥩᥰ ᥖᥨᥝ ᥕᥫᥱ ᥚᥦᥝᥴ ᥛᥣᥰ ᥓᥒᥱ ᥐᥩᥭ ᥐᥪᥒᥳ ᥐᥣᥒᥳ ᥔᥦᥝᥲ ᥞᥦᥛ ᥕᥝᥳ. ᥐᥩᥙ ᥘᥭᥴ ᥑᥝᥴ ᥛᥨᥝᥴ ᥕᥧᥱ ᥟᥛᥱ ᥖᥨᥒᥳ ᥟᥛᥱ ᥘᥪᥒᥴ ᥟᥣᥢᥱ ᥞᥨᥝᥴ ᥘᥣᥱ ᥕᥤᥱ ᥛᥢᥰ ᥕᥝᥳ.
ᥘᥣᥭᥰ ᥕᥩᥙᥴ ᥘᥣᥭᥰ ᥐᥤᥢ
ᥒᥧᥰ ᥘᥫᥛᥴ ᥘᥭᥳ ᥛᥫ ᥖᥥᥱ ᥛᥢᥰ ᥓᥬᥳ ᥔᥥᥝᥲ ᥔᥥᥴ ᥐᥣᥙ ᥔᥩᥭᥰ ᥖᥨᥝᥴ ᥕᥫᥱ ᥛᥢᥰ ᥕᥝᥳ ᥐᥩᥲ ᥐᥥᥝᥲ ᥙᥢ ᥗᥪᥒᥴ ᥖᥤ ᥖᥨᥝ ᥕᥫᥱ ᥙᥩᥰ ᥔᥥᥒᥱ ᥔᥣᥭᥱ ᥓᥬ ᥕᥝᥳ.
ᥘᥩᥒ ᥞᥨᥒ ᥟᥥ
ᥒᥧᥰ ᥘᥫᥛ (Python) ᥙᥥᥢ ᥓᥫᥳ ᥒᥧᥰ ᥒᥛᥰ ᥑᥭᥱ. ᥒᥧᥰ ᥘᥫᥛ (Boa) ᥔᥛᥳ ᥙᥥᥢ ᥓᥫᥳ ᥒᥨᥰ ᥐᥫᥖᥱ ᥙᥥᥢ ᥖᥨᥝ ᥟᥫ. ᥝᥣᥭᥰ ᥔᥥᥴ ᥐᥫᥖᥱ ᥟᥩᥐᥱ ᥑᥭᥱ ᥕᥝᥳ, ᥒᥧᥰ ᥘᥫᥛᥴ ᥛᥥ ᥘᥭᥳ ᥒᥩᥛᥰ ᥑᥭᥱ ᥗᥪᥒᥴ ᥖᥤ ᥙᥨᥝᥰ ᥖᥦᥐᥱ ᥙᥥᥢ ᥖᥨᥝᥴ ᥕᥝᥳ. ᥘᥩᥒ ᥞᥬᥲ ᥑᥭᥱ ᥛᥤᥰ ᥘᥩᥒ ᥖᥣᥒᥰ ᥟᥧᥢᥱ ᥘᥭᥳ, ᥙᥥᥢᥴ ᥟᥢ ᥘᥩᥒ ᥕᥬᥱ ᥝᥭᥳ ᥘᥩᥒ ᥘᥪᥒ. ᥛᥫ ᥒᥧᥰ ᥘᥪᥛᥴ ᥛᥥ ᥒᥨᥛᥰ ᥘᥭᥱ ᥕᥧᥱ ᥘᥢᥳ, ᥑᥝᥴ ᥟᥛᥱ ᥐᥤᥢ ᥔᥒᥴ. ᥛᥣᥒ ᥙᥩᥐ ᥟᥩᥐᥱ ᥐᥣᥱ ᥟᥩᥛᥱ ᥘᥦᥖᥱ ᥖᥣᥱ ᥞᥬᥲ ᥖᥨᥝ ᥑᥝᥴ ᥟᥧᥢᥱ ᥘᥢᥳ ᥐᥩᥭᥰ.