ᥑᥣᥛᥰ ᥐᥥᥝᥲ ᥐᥢ

ᥑᥥᥝᥴ ᥖᥤᥝᥰ ᥟᥤᥝᥰ ᥝᥣ ᥛᥣᥐᥱ ᥕᥤᥢᥲ.

ᥛᥣᥐᥱ ᥐᥨᥢᥲ ᥙᥤᥢᥲ ᥝᥣ ᥛᥣᥐᥱ ᥓᥒ.

ᥞᥩᥛᥴ ᥙᥫᥳ ᥙᥣᥒ ᥝᥣ ᥛᥣᥐᥱ ᥘᥣᥒᥰ.

ᥘᥦᥒ ᥓᥣᥒᥰ ᥞᥣᥒᥰ ᥝᥣ ᥛᥣᥐᥱ ᥚᥥᥖᥱ.

ᥞᥩᥛᥴ ᥙᥥᥢ ᥓᥥᥖᥱ ᥝᥣ ᥛᥣᥐᥱ ᥝᥣᥭᥴ.

ᥞᥩᥛᥴ ᥙᥥᥢ ᥔᥣᥭᥴ ᥝᥣ ᥛᥣᥐᥱ ᥘᥩᥖ.

ᥔᥨᥛᥲ ᥗᥩᥖ ᥗᥩᥖ ᥝᥣ ᥛᥣᥐᥱ ᥛᥨᥭᥰ.

ᥜᥧᥒᥳ ᥟᥧᥢᥰ ᥟᥧᥢᥰ ᥝᥣ ᥛᥣᥐᥱ ᥘᥧᥢ.

ᥙᥩᥒᥳ ᥖᥧᥢ ᥖᥧᥢ ᥝᥣ ᥔᥫᥴ.

ᥙᥧᥱ ᥑᥣᥭᥴ ᥜᥫᥴ ᥝᥣ ᥙᥧᥱ ᥓᥣᥒ ᥖᥣᥢᥲ.

ᥓᥣᥒ ᥖᥣᥢᥲ ᥓᥣᥒ ᥘᥣᥖ ᥛᥥᥰ ᥛᥪᥰ ᥚᥩᥒᥰ.

ᥕᥦᥝᥴ ᥙᥩᥒᥰ ᥝᥣ ᥑᥝᥲ ᥜᥣᥲ.

ᥐᥣᥳ ᥐᥣᥳ ᥝᥣ ᥐᥣ ᥘᥛ.

ᥓᥣᥒ ᥖᥛ ᥝᥣ ᥓᥣᥒ ᥑᥨᥐ.

ᥓᥣᥒ ᥕᥨᥐ ᥝᥣ ᥝᥤᥰ.

ᥓᥣᥒ ᥙᥤᥰ ᥝᥣ ᥙᥐ.

ᥑᥬᥲ ᥞᥬᥲ ᥙᥫᥢ ᥞᥐ ᥝᥣ ᥞᥩᥭᥲ ᥓᥨᥝᥰ.

ᥑᥬᥲ ᥞᥬᥲ ᥙᥫᥢᥰ ᥕᥨᥝᥰ ᥝᥣ ᥔᥤᥴ ᥖᥤᥒᥱ.

ᥑᥬᥲ ᥞᥬᥲ ᥙᥫᥢ ᥐᥤᥒᥱ ᥝᥣ ᥘᥥᥒᥳ ᥘᥨᥖᥱ.

ᥑᥬᥲ ᥞᥬᥲ ᥙᥫᥢ ᥙᥩᥭᥱ ᥖᥨᥖᥱ ᥝᥣ ᥑᥨᥝᥲ ᥗᥨᥝᥱ ᥐᥤᥢ.