ᥐᥨᥢᥰ ᥛᥫᥐ

ᥐᥨᥢᥰ ᥛᥫᥐ ᥟᥢ ᥝᥣ ᥘᥢᥳ ᥙᥨᥝᥰ ᥖᥨᥝᥱ ᥔᥧᥲ ᥘᥨᥭ ᥙᥣᥭᥰ ᥛᥣᥐ ᥛᥤᥰ ᥚᥩᥢᥰ ᥘᥤ ᥖᥨᥝ ᥛᥢᥰ ᥘᥭᥴ ᥞᥨᥛ ᥝᥣ ᥙᥥᥢ ᥐᥨᥝᥳ ᥟᥢ ᥕᥣᥛᥲ ᥞᥥᥖᥱ ᥚᥩᥢᥰ ᥘᥤ ᥙᥢ ᥛᥢᥰ ᥛᥣᥰ ᥐᥣ ᥞᥪᥴ ᥔᥥᥴ ᥖᥣᥳ ᥕᥒ ᥛᥨᥝᥴ ᥝᥨᥢᥳ ᥔᥩᥢᥱ ᥙᥢ ᥑᥪᥢᥰ ᥔᥥᥴ ᥛᥨᥝᥴ ᥕᥣᥳ ᥘᥧᥳ ᥘᥦᥝᥴ ᥙᥦᥖ ᥐᥧ ᥘᥩᥒ ᥘᥩᥒ ᥕᥝᥳ. ᥓᥫᥰ ᥙᥥᥢ ᥐᥨᥢᥰ ᥞᥣᥭᥳ ᥘᥭᥳ ᥕᥒᥰ ᥓᥣᥒ ᥘᥤ ᥞᥥᥖᥱ ᥐᥨᥝᥳ ᥞᥥᥖᥴ ᥔᥥᥲ ᥕᥧᥱ ᥔᥥᥴ ᥖᥣᥳ ᥙᥨᥝᥰ ᥙᥥᥢ ᥐᥨᥢᥰ ᥛᥫᥐ ᥘᥭᥴ ᥖᥥᥳ ᥕᥒ ᥗᥧᥐᥴ ᥘᥤ ᥐᥙᥴ ᥐᥣᥭᥱ ᥔᥥᥴ ᥟᥛᥱ ᥐᥣᥰ ᥔᥒᥴ ᥓᥫᥳ ᥝᥣ ᥞᥤᥛᥰ ᥞᥩᥛᥰ ᥖᥤ ᥟᥢ ᥓᥝᥲ ᥐᥝᥱ ᥕᥧᥱ ᥔᥝᥰ ᥗᥒᥲ ᥐᥤᥢ ᥕᥧᥱ ᥘᥢᥳ ᥔᥒᥴ ᥝᥣ ᥛᥤᥰ ᥝᥭᥳ ᥐᥨᥢᥰ ᥛᥫᥐ ᥘᥭᥴ ᥗᥧᥐᥴ ᥘᥤ ᥙᥣᥭ ᥑᥝᥴ ᥐᥭ ᥐᥭ ᥕᥧᥱ ᥕᥝᥳ. ᥐᥩᥙ ᥙᥫ ᥝᥣ ᥐᥨᥢᥰ ᥛᥫᥐ ᥘᥭᥳ ᥛᥢᥰ ᥕᥒ ᥙᥢ ᥚᥩᥢᥰ ᥘᥤ ᥓᥝᥲ ᥐᥝᥱ, ᥕᥒ ᥙᥢ ᥚᥩᥢᥰ ᥘᥤ ᥛᥫᥒᥰ ᥑᥨᥒᥰ ᥐᥣᥒ, ᥕᥒ ᥙᥢ ᥚᥩᥢᥰ ᥘᥤ ᥗᥛᥱ ᥛᥣᥳ ᥔᥥᥴ ᥟᥢ ᥞᥦᥴ ᥗᥧᥐᥴ ᥘᥤ ᥝᥥ ᥐᥭ ᥐᥭ ᥕᥧᥱ.