ᥐᥣ ᥐᥥ
ᥐᥣ ᥐᥥ
ᥛᥨᥢᥳ ᥛᥥᥰ"ᥐᥣ ᥐᥥ" ᥘᥭᥳ ᥐᥛᥳ ᥚᥩᥒ ᥐᥩᥲ ᥞᥩᥒᥳ ᥝᥣ"ᥐᥣ ᥑᥨᥝᥱ" ᥐᥛᥳ ᥚᥩᥒ ᥐᥩᥲ ᥞᥩᥒᥳ ᥝᥣ "ᥐᥣ ᥟᥪᥲ" ᥕᥝᥳ။ ᥕᥩᥢᥳ ᥙᥫ ᥔᥥᥒᥴ ᥞᥩᥒᥳ ᥛᥢᥰ ᥛᥫᥢᥴ ᥔᥥᥒᥴ ᥑᥒᥰ ᥝᥣ ᥟᥪᥲ ᥟᥪᥲ ᥘᥭᥴ ᥘᥦᥲ ᥓᥒᥱ ᥖᥥᥴ ᥞᥩᥒᥳ ᥝᥣ"ᥐᥣ ᥟᥪᥲ" ᥘᥭᥴ ᥕᥧᥱ။ ᥐᥣ ᥟᥪᥲ ᥘᥦᥲ ᥘᥨᥐᥳ ᥖᥧᥲ ᥘᥭᥳ ᥙᥥᥢ ᥛᥥᥝᥰ Columbidae taxonomic ᥕᥝᥳ။ ᥐᥣ ᥟᥪᥲ ᥘᥭᥳ ᥕᥧᥱ ᥓᥛ ᥖᥣ ᥐᥨᥢᥰ ᥘᥦᥲ ᥐᥨᥢᥰ ᥞᥝᥰ ᥟᥩᥢ ᥐᥢ ᥞᥧᥳ ᥞᥢᥴ ᥞᥧᥳ ᥓᥐᥴ ᥝᥭᥳ ᥕᥝᥳ။ ᥘᥬᥰ ᥐᥛᥱ ᥚᥣᥱ ᥘᥭᥳ ᥐᥣ ᥟᥪᥲ ᥘᥦᥲ ᥘᥨᥐᥳ ᥖᥧᥲ ᥟᥢ ᥙᥣᥰ ᥘᥬᥰ ᥛᥥᥝᥰ Columbidae ᥘᥢᥳ ᥛᥥᥝᥰ ᥛᥢᥰ ᥛᥤᥰ ᥕᥧᥱ 650 ᥛᥥᥝᥰ ᥘᥫᥴ ᥘᥭᥴ ᥕᥝᥳ။ ᥛᥫᥢᥴ ᥘᥒᥱ ᥐᥣ ᥟᥪᥲ ᥐᥩᥲ ᥖᥥᥴ ᥕᥣᥛᥲ ᥞᥢᥴ ᥐᥣ ᥟᥪᥲ ᥛᥨᥢᥱ ᥐᥣ ᥟᥪᥲ ᥞᥣᥒᥴ ᥐᥤ ᥐᥣ ᥟᥪᥲ ᥞᥨᥝᥴ ᥕᥩᥭᥰ ᥘᥒᥱ ᥘᥢᥴ ᥘᥨᥐᥳ ᥖᥧᥲ ᥐᥩᥲ ᥖᥤᥴ ᥕᥣᥛᥲ ᥞᥢᥴ ᥘᥨᥐᥳ ᥖᥧᥲ ᥛᥨᥢᥱ ᥘᥨᥐᥳ ᥖᥧᥲ ᥖᥩᥒᥰ ᥘᥨᥐᥳ ᥖᥧᥲ ᥑᥥᥝᥴ ᥓᥫᥰ ᥘᥢᥳ ᥕᥧᥱ။
ᥐᥣ ᥟᥪᥲ ᥘᥭᥳ ᥖᥥᥴ ᥖᥨᥝ ᥕᥬᥱ ᥔᥥᥴ ᥘᥨᥐᥳ ᥖᥧᥲ ᥟᥤᥖᥴ ᥘᥫᥒ။ ᥘᥫᥴ ᥔᥥᥴ ᥖᥤ ᥙᥦᥢ ᥙᥥᥳ ᥓᥤᥐᥴ ᥐᥛᥱ ᥚᥣᥱ ᥘᥦᥲ ᥐᥨᥢᥰ ᥐᥛᥱ ᥚᥣᥱ ᥘᥢᥳ ᥘᥬᥰ ᥐᥛᥱ ᥚᥣᥱ ᥘᥭᥳ ᥖᥥᥴ ᥘᥭᥲ ᥞᥢᥴ ᥐᥣ ᥟᥪᥲ ᥛᥤᥰ ᥘᥨᥒᥴ ᥐᥣᥱ ᥐᥧ ᥖᥤ။ ᥙᥫᥒ ᥘᥨᥒᥴ ᥛᥢᥰ ᥓᥥ ᥖᥩᥢᥲ ᥖᥤ ᥛᥭᥲ ᥞᥩᥢᥳ ᥘᥢᥳ ᥔᥦᥢᥰ ᥘᥭᥲ ᥞᥢᥴ ᥐᥣ ᥟᥪᥲ ᥛᥤᥰ ᥘᥛᥴ ᥕᥝᥳ။ ᥘᥬᥰ ᥛᥫᥒᥰ ᥞᥝᥰ ᥐᥩᥲ ᥖᥨᥝ ᥘᥭᥲ ᥞᥢᥴ ᥐᥣ ᥟᥪᥲ ᥛᥤᥰ ᥘᥨᥒᥴ ᥐᥣᥱ ᥐᥧ ᥝᥥᥒᥰ ᥐᥧ ᥖᥤ ᥕᥧᥱ။ ᥐᥣ ᥟᥪᥲ ᥘᥭᥳ ᥛᥥᥝᥰ ᥛᥢᥰ ᥘᥛᥴ ᥔᥥᥴ ᥐᥨᥭᥰ ᥟᥛᥱ ᥐᥣ ᥟᥣ ᥕᥩᥒᥱ ᥛᥢᥰ ᥞᥣᥒ ᥚᥣᥒᥴ ᥛᥢᥰ ᥐᥩᥲ ᥙᥦᥐᥱ ᥐᥢ ᥝᥭᥳ ᥕᥧᥱ။ ᥐᥛᥳ ᥙᥣᥲ ᥘᥛᥴ ᥖᥥᥳ ᥖᥥᥴ ᥞᥢᥴ ᥙᥥᥢ ᥟᥣ ᥕᥩᥒᥱ ᥛᥨᥢᥱ။ ᥙᥫᥒ ᥚᥣᥒᥴ ᥘᥫᥒᥰ ᥛᥢᥰ ᥖᥥᥳ ᥐᥣ ᥟᥪᥲ ᥘᥭᥳ ᥞᥣᥒ ᥑᥤᥖᥴ ᥔᥥᥴ ᥖᥤᥢ ᥘᥦᥒ ᥝᥭᥳ။ ᥖᥣᥒᥰ ᥕᥣᥝᥰ ᥖᥥᥴ ᥛᥤᥰ ᥛᥩᥐ 13 ᥔᥤᥐ ᥔᥥᥴ ᥖᥨᥝ ᥛᥨᥢᥰ ᥟᥨᥐᥱ ᥐᥩᥒᥱ ᥝᥭᥳ ᥕᥧᥱ။ ᥟᥢ ᥘᥣᥐᥱ ᥘᥣᥭᥰ ᥛᥢᥰ ᥖᥥᥳ ᥘᥨᥐᥳ ᥖᥧᥲ ᥘᥦᥲ ᥐᥣ ᥟᥪᥲ ᥘᥭᥳ ᥛᥫ ᥑᥝᥴ ᥐᥤᥢ ᥘᥛᥳ ᥘᥢᥳ ᥑᥝᥴ ᥟᥛᥱ ᥓᥧᥙᥱ ᥟᥝ ᥘᥛᥳ ᥔᥥᥴ ᥞᥦᥢᥴ ᥑᥨᥝᥰ ᥟᥪᥐᥳ ᥐᥤᥢ ᥘᥛᥳ ᥓᥫᥒᥳ ᥘᥒᥱ ᥘᥨᥐᥳ ᥖᥣᥒᥱ ᥓᥫᥰ၊ ᥑᥝᥴ ᥐᥨᥛᥲ ᥞᥨᥝᥴ ᥔᥥᥴ ᥓᥧᥙᥱ ᥐᥤᥢ ᥘᥛᥳ ᥘᥢᥳ ᥕᥝᥳ။
ᥙᥩᥰ ᥟᥝ ᥔᥣ ᥚᥣᥱ ᥝᥣᥳ ᥛᥢᥰ ᥝᥣ ᥘᥭᥴ ᥐᥣ ᥟᥪᥲ ᥘᥭᥳ ᥙᥥᥢ ᥘᥨᥐᥳ ᥛᥥᥝᥰ ᥟᥢ ᥕᥧᥱ ᥔᥝᥰ ᥘᥬᥰ ᥗᥫᥢᥱ ᥘᥬᥰ ᥑᥫᥰ ᥕᥝᥳ။ ᥐᥩᥭᥰ ᥐᥣ ᥑᥝᥴ ᥘᥭᥳ ᥒᥥ ᥒᥣᥭ ᥘᥣᥱ။ ᥘᥩᥒ ᥟᥝ ᥐᥣ ᥟᥪᥲ ᥘᥫᥒᥰ ᥛᥣᥰ ᥘᥥᥒᥳ ᥘᥢᥳ ᥘᥭᥲ ᥞᥢᥴ ᥐᥨᥢᥰ ᥛᥫ ᥐᥩᥢᥱ ᥘᥥᥒᥳ ᥛᥣᥰ ᥓᥥᥛ ᥛᥫ 5000 ᥙᥤ ᥘᥫᥴ ᥘᥫᥴ ᥙᥧᥢᥳ ᥘᥭᥴ ᥕᥝᥳ။ ᥐᥣ ᥟᥪᥲ ᥘᥭᥳ ᥛᥐᥳ ᥛᥣᥐᥱ ᥛᥭᥳ ᥘᥦᥲ ᥓᥫᥳ ᥛᥣᥐᥱ ᥛᥭᥳ။ ᥐᥣ ᥟᥪᥲ ᥖᥨᥝ ᥙᥨᥝ ᥘᥦᥲ ᥖᥨᥝ ᥛᥥ ᥘᥭᥳ ᥑᥝᥴ ᥕᥧᥱ ᥓᥩᥛᥰ ᥐᥢ ᥐᥣᥱ ᥖᥨᥝᥱ ᥓᥨᥝ ᥔᥧᥖᥴ ᥙᥣᥢ ᥘᥦᥲ ᥔᥒᥴ၊ ᥕᥧᥱ ᥔᥝᥰ ᥓᥩᥛᥰ ᥐᥢ ᥖᥒᥰ ᥚᥧᥒᥴ ᥘᥦᥲ ᥔᥒᥴ ᥞᥥᥖᥱ ᥘᥢᥴ ᥕᥧᥱ ᥓᥩᥛᥰ ᥐᥢ ᥐᥣᥱ ᥕᥧᥱ။ ᥐᥣ ᥟᥪᥲ ᥘᥭᥳ ᥛᥨᥝᥴ ᥛᥪᥖ ᥖᥤ ᥕᥧᥱ ᥐᥝᥱ ᥑᥝᥴ ᥖᥥᥳ ᥖᥥᥳ။ ᥙᥦᥐ ᥔᥛᥳ ᥝᥣ ᥐᥣᥱ ᥞᥩᥖ ᥗᥪᥒᥴ ᥐᥭ ᥐᥭ ᥘᥣᥭᥴ ᥙᥣᥐᥱ ᥘᥣᥭᥴ ᥞᥥᥒᥴ ᥘᥐᥴ ᥐᥩᥲ ᥑᥝᥴ ᥖᥩ ᥑᥪᥢᥰ ᥛᥨᥝᥴ ᥙᥩᥐ ᥛᥣᥰ ᥛᥫᥰ ᥖᥤ ᥕᥧᥱ ᥑᥝᥴ ᥕᥧᥱ။ ᥐᥩᥙ ᥘᥢᥴ ᥖᥥᥱ ᥓᥥᥛ ᥛᥫ ᥙᥣᥢ ᥐᥣ ᥘᥤᥐᥳ ᥛᥣᥰ ᥖᥨᥝᥱ ᥙᥨᥝᥰ ᥗᥪᥒᥴ ᥙᥣᥢ ᥔᥫᥐᥱ ᥐᥛᥱ ᥚᥣᥱ ᥙᥩᥐ ᥔᥩᥒᥴ ᥘᥢᥳ ᥐᥨᥢᥰ ᥞᥝᥰ ᥟᥩᥢ ᥐᥢ ᥖᥪᥰ ᥐᥣ ᥟᥪᥲ ᥔᥥᥴ ᥔᥨᥒᥱ ᥘᥤᥐ ᥙᥢ ᥐᥢ ᥘᥦᥲ ᥐᥨᥢᥰ ᥖᥒᥰ ᥐᥛᥱ ᥚᥣᥱ ᥙᥩᥰ ᥕᥩᥒᥲ ᥟᥣᥛᥰ ᥘᥛᥳ ᥐᥖᥳ ᥐᥣ ᥟᥪᥲ ᥐᥣᥱ ᥕᥧᥱ။ ᥐᥣ ᥟᥪᥲ ᥟᥢ ᥔᥨᥒᥱ ᥘᥤᥐ ᥘᥢᥳ ᥘᥫᥒ ᥓᥨᥝ ᥛᥩᥒᥰ ᥛᥢᥰ ᥛᥤᥢ ᥚᥣᥭᥴ ᥘᥭᥲ 40 ᥘᥐᥴ ᥘᥭᥴ ᥕᥝᥳ။
ᥐᥣ ᥟᥪᥲ ᥘᥭᥳ ᥑᥭᥱ ᥐᥧ ᥑᥤᥒᥱ ᥘᥥᥒᥳ ᥘᥧᥐ ᥐᥧ ᥑᥤᥒᥱ ᥔᥥᥴ ᥞᥣᥒᥰ ᥑᥝᥴ ᥐᥩᥲ ᥐᥭᥳ ᥘᥥᥱ ᥞᥥᥖᥱ ᥓᥩᥛᥰ ᥒᥣᥛ ᥛᥭᥳ ᥓᥩᥛᥰ ᥐᥤᥒᥱ ᥛᥭᥳ ᥘᥦᥲ ᥓᥩᥛᥰ ᥞᥫᥢᥰ ᥓᥩᥛᥰ ᥓᥩᥒᥰ ᥕᥝᥳ။ ᥞᥣᥒᥰ ᥐᥣ ᥑᥨᥝᥴ ᥘᥭᥳ ᥟᥛᥱ ᥙᥩᥰ ᥞᥥᥖᥱ ᥑᥪᥐᥳ ᥐᥣ ᥞᥪᥴ။ ᥘᥫᥒ ᥛᥧᥒᥳ ᥘᥭᥳ ᥑᥭᥱ ᥑᥝᥴ ᥓᥣᥒ ᥛᥤᥰ 2 ᥘᥧᥐ။ ᥖᥣᥱ ᥖᥥᥴ ᥙᥬᥳ ᥘᥧᥛᥰ ᥘᥣᥰ ᥑᥭᥱ ᥑᥝᥴ ᥘᥧᥐ ᥑᥝᥴ ᥘᥢᥳ ᥐᥣ ᥟᥪᥲ ᥖᥨᥝᥴ ᥛᥦᥲ ᥟᥤᥐᥱ ᥖᥨᥝᥴ ᥙᥩᥲ ᥓᥩᥭᥲ ᥐᥢᥴ ᥘᥧᥛᥰ ᥘᥣᥰ ᥐᥣᥱ ᥘᥒᥱ ᥐᥢ ᥕᥝᥳ။ ဲဲ [1]
.jpg)
- ↑ မြန်မာ့စွယ်စုံကျမ်း၊ အတွဲ ၂