ᥐᥢ ᥞᥥᥢᥰ
ᥗᥦᥛᥰ ᥙᥣ ᥘᥥᥐᥳ:ᥐᥢ ᥞᥥᥢᥰ/TabsHeader
ᥘᥣᥲ ᥘᥤᥐ ᥟᥢ ᥘᥭᥳ ᥙᥥᥢ ᥘᥣᥲ ᥘᥤᥐ ᥟᥢ ᥖᥤᥴ ᥘᥥᥴ ᥖᥣᥒᥰ ᥙᥢ ᥘᥩᥒ ᥙᥩᥒ ᥘᥤᥐ ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥦᥲ ᥘᥣᥭᥰ ᥖᥦᥛᥲ ᥛᥢᥰ ᥔᥥᥴ ᥖᥥᥴ ᥔᥪᥙᥱ ᥘᥣᥖ ᥘᥥᥴ ᥙᥢ ᥘᥩᥒ ᥛᥨᥱ ᥓᥧᥛᥰ ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥦᥲ ᥘᥩᥒ ᥘᥣᥭᥰ ᥒᥣᥢᥰ ᥙᥫᥒ ᥐᥣᥢ ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥓᥫᥰ ᥘᥛᥱ ᥘᥩᥒ ᥛᥢᥰ ᥘᥢᥳ ᥕᥝᥳ. ᥟᥢ ᥘᥭᥳ ᥘᥭᥳ ᥛᥢᥰ ᥖᥥᥴ ᥙᥥᥢ ᥐᥢ ᥞᥥᥢᥰ ᥒᥝᥲ ᥞᥣᥐ ᥙᥪᥢᥳ ᥗᥣᥢᥴ ᥛᥢᥰ ᥔᥥᥴ ᥛᥢᥰ ᥖᥥᥴ ᥟᥛᥱ ᥓᥬ ᥚᥪᥢᥴ ᥘᥦᥴ ᥖᥣᥒᥰ ᥟᥢ ᥕᥬᥱ ᥐᥣᥒᥲ ᥖᥥᥛ ᥗᥨᥢᥲ. ᥔᥒᥴ ᥓᥫᥳ ᥝᥣ ᥓᥝᥲ ᥐᥝᥱ ᥑᥬᥲ ᥔᥪᥙᥱ ᥞᥧᥳ ᥞᥢᥴ ᥗᥦᥒᥲ ᥞᥨᥝᥴ ᥕᥩᥭ ᥛᥢᥰ ᥘᥭᥴ ᥞᥝᥰ ᥑᥣᥲ ᥐᥩᥒᥳ ᥐᥣᥭᥱ ᥝᥭᥳ ᥙᥢ ᥓᥫᥰ ᥙᥥᥢ ᥘᥣᥲ ᥘᥤᥐ ᥟᥢ ᥖᥥᥴ ᥘᥭᥲ ᥙᥫᥒ ᥟᥤᥒ ᥚᥩᥒᥰ ᥞᥥᥖᥱ ᥐᥢ ᥞᥥᥢᥰ ᥘᥭᥳ ᥕᥧᥱ ᥑᥣᥲ.
ᥙᥩᥰ ᥙᥥᥢ ᥐᥨᥝᥳ ᥛᥥᥰ ᥗᥖᥴ ᥐᥨᥝᥳ ᥛᥬᥱ ᥘᥫᥒ ᥐᥨᥝᥳ ᥘᥭᥳ ᥟᥤᥒ ᥘᥨᥭ ᥔᥦᥢᥰ ᥙᥩᥰ ᥓᥦᥖ ᥟᥢ ᥞᥩᥒᥳ ᥝᥣ ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥦᥲ ᥟᥤᥒ ᥘᥫᥴ ᥑᥩᥙᥱ ᥑᥦᥙᥱ ᥖᥨᥒᥱ ᥝᥨᥒᥰ ᥐᥥ ᥐᥣᥒ ᥔᥥᥴ ᥐᥩᥲ ᥖᥥᥴ ᥓᥣᥒ ᥛᥤᥰ ᥘᥩᥒ ᥓᥬ ᥖᥪᥢᥱ ᥖᥥᥢᥲ ᥕᥧᥱ ᥟᥤᥖᥴ ᥟᥩᥖᥴ ᥕᥝᥳ. ᥕᥩᥢᥳ ᥙᥫ ᥝᥣ ᥟᥛᥱ ᥙᥭᥱ ᥙᥨᥝᥰ ᥙᥩᥒᥱ ᥓᥬ ᥘᥩᥒ ᥘᥬ ᥘᥤ ᥘᥤ ᥘᥭᥴ ᥔᥥᥴ ᥖᥣᥳ ᥕᥣᥱ ᥙᥥᥴ ᥛᥭᥲ ᥓᥬ။ ᥘᥩᥒ ᥛᥥᥰ ᥗᥖᥴ ᥓᥝᥲ ᥐᥝᥱ ᥘᥭᥳ ᥕᥩᥢᥳ ᥟᥝ ᥕᥣᥢᥱ ᥔᥛ ᥖᥣᥱ ᥔᥥᥴ ᥛᥥᥰ ᥗᥖᥴ ᥝᥭᥳ ᥘᥭᥴ ᥕᥩᥛᥰ ᥞᥙ ᥙᥢ ᥝᥭᥳ ᥕᥧᥱ. ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥭᥳ ᥟᥛᥱ ᥐᥣᥰ ᥝᥣ ᥞᥥᥖᥱ ᥝᥭᥳ ᥙᥢ ᥘᥩᥒ ᥐᥨᥝᥱ ᥔᥣᥒᥲ ᥙᥩᥒ ᥘᥤᥐ, ᥗᥖᥴ ᥔᥣᥒᥲ၊ ᥛᥥᥰ ᥗᥖᥴ ᥐᥩᥭᥰ ᥑᥬᥲ ᥞᥬᥲ ᥖᥨᥝ ᥓᥝᥲ ᥐᥝᥱ ᥑᥝᥲ ᥞᥥᥖᥱ ᥙᥣᥰ ᥕᥝᥳ...ᥞᥖᥴ ᥞᥣᥢᥴ ᥘᥦᥲ
ᥘᥩᥒ ᥕᥫᥒᥰ ᥟᥣᥢᥰ ᥙᥩᥒ ᥘᥤᥐ ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥫᥒ ᥟᥢ ᥘᥭᥳ ᥙᥥᥢ ᥖᥩᥢᥲ ᥖᥣᥱ ᥐᥨᥝᥱ ᥔᥣᥒᥲ ᥖᥦᥛᥲ ᥟᥩᥐᥱ ᥘᥤᥐ ᥙᥢ ᥙᥪᥢᥳ ᥞᥧᥳ ᥞᥨᥝᥴ ᥞᥧᥙ ᥘᥦᥲ ᥘᥣᥭᥰ ᥖᥦᥛᥰ ᥟᥢ ᥟᥛᥱ ᥛᥤᥰ ᥘᥩᥒ ᥙᥥᥳ ᥙᥣᥳ ᥔᥥᥴ ᥚᥣᥭᥴ ᥚᥣᥭᥱ ᥔᥥᥴ ᥐᥩᥲ ᥞᥨᥝᥴ ᥑᥨᥝᥲ ᥘᥫᥒ ᥟᥢ ᥟᥢ ᥖᥦᥛᥲ ᥝᥭᥳ ᥖᥥᥛᥴ ᥖᥥᥛᥴ ᥗᥨᥢᥲ ᥗᥨᥢᥲ ᥘᥢᥳ ᥕᥝᥳ. ᥕᥩᥢᥳ ᥙᥫ ᥘᥢᥴ ᥘᥦᥲ ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥭᥳ ᥛᥢᥰ ᥟᥛᥱ ᥓᥬ ᥟᥩᥒᥲ ᥖᥤ ᥖᥣᥱ ᥖᥦᥛᥲ ᥘᥩᥒ ᥟᥢ ᥓᥝᥲ ᥐᥝᥱ ᥞᥣᥴ ᥗᥨᥙᥱ ᥞᥢᥴ ᥞᥒᥰ ᥙᥪᥴ ᥓᥝᥲ ᥘᥢᥳ. ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥭᥳ ᥕᥩᥢᥳ ᥙᥢ ᥝᥭᥳ ᥔᥧᥢᥱ ᥚᥧᥱ ᥘᥬ ᥚᥬᥴ ᥔᥥᥴ ᥟᥛᥱ ᥝᥣ ᥓᥣᥒ ᥛᥥᥰ ᥗᥖᥴ ᥘᥭᥲ ᥘᥦᥲ ᥞᥝᥰ ᥑᥣᥲ ᥐᥩᥲ ᥘᥨᥝᥱ ᥘᥭᥲ ᥛᥤᥰ ᥚᥪᥢ ᥟᥤᥒ ᥟᥢ ᥕᥧᥛᥱ ᥕᥛ ᥘᥭᥲ ᥘᥦᥲ ᥖᥣᥱ ᥗᥖᥴ ᥔᥣᥒᥲ ᥕᥧᥛᥱ ᥕᥛ ᥘᥢᥳ ᥕᥝᥳ. ᥑᥨᥝᥲ ᥛᥧᥢᥰ ᥘᥩᥢᥳ ᥑᥣᥝᥱ ᥖᥒᥰ ᥔᥥᥒᥲ ᥘᥭᥳ ᥖᥥᥴ ᥘᥭᥲ ᥟᥝ ᥘᥩᥒ ᥟᥤᥒ ᥖᥦᥛᥲ ᥝᥭᥳ ᥖᥤ ᥘᥬ ᥒᥝᥲ ᥒᥣᥱ ᥟᥢ ᥘᥭᥲ ᥕᥧᥛᥱ ᥕᥛ ᥝᥭᥳ ᥘᥢᥳ ᥕᥝᥳ။ ᥖᥤ ᥘᥩᥒ ᥐᥨᥝᥱ ᥔᥣᥒᥲ ᥙᥩᥒ ᥘᥤᥐ ᥛᥬᥱ ᥘᥦᥲ ᥔᥒᥴ၊ ᥑᥪᥢᥰ ᥗᥦᥒᥲ ᥗᥦᥛᥴ ᥔᥬᥱ ᥘᥦᥲ ᥔᥒᥴ ᥘᥣᥭᥰ ᥖᥦᥛᥲ ᥛᥢᥰ ᥘᥭᥳ ᥖᥥᥴ ᥘᥭᥲ ᥖᥦᥛᥲ ᥞᥬᥲ ᥛᥫᥢᥴ ᥘᥣᥭᥰ ᥖᥦᥛᥲ ᥚᥣᥒᥴ ᥞᥣᥒ ᥘᥤᥐ ᥔᥦᥢᥴ ᥔᥛᥱ ᥘᥦᥲ ᥖᥥᥴ ᥘᥭᥲ ᥖᥦᥛᥲ ᥞᥬᥲ ᥛᥢᥰ ᥓᥦᥒ ᥘᥦᥒᥰ ᥙᥩᥒᥱ ᥓᥬ ᥒᥣᥭ ᥘᥢᥳ ᥕᥝᥳ.
ᥖᥤ ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥭᥳ ᥟᥛᥱ ᥘᥭᥲ ᥖᥛᥰ ᥝᥭᥳ ᥙᥐᥴ ᥙᥫᥒ ᥟᥢ ᥞᥣᥝᥲ ᥞᥦᥒᥰ ᥔᥒᥴ ᥘᥒᥱ ᥐᥝᥱ. ᥐᥩᥭᥰ ᥐᥣ ᥝᥣ ᥘᥧᥐ ᥖᥤ ᥛᥧᥱ ᥓᥧᥛᥰ ᥚᥧᥱ ᥕᥧᥒᥱ ᥖᥪᥰ ᥔᥥᥴ ᥘᥭᥲ ᥓᥦᥖᥱ ᥟᥩᥐᥱ ᥝᥭᥳ ᥙᥫᥒ ᥐᥣᥢ ᥘᥣᥭᥰ ᥒᥣᥢᥰ၊ ᥔᥣᥭᥴ ᥓᥧᥒ ᥞᥥᥢᥰ ᥘᥦᥲ ᥘᥩᥒ ᥛᥐᥴ ᥛᥢᥲ ᥘᥐᥴ ᥓᥥᥒ ᥙᥫᥒ ᥖᥛᥰ ᥓᥫᥰ ᥘᥭᥳ ᥕᥧᥱ. ᥚᥧᥱ ᥛᥥᥰ ᥗᥖᥴ ᥑᥝᥴ ᥖᥒᥰ ᥔᥤᥒᥲ ᥗᥧᥐᥴ ᥘᥤ ᥓᥩᥛᥰ ᥚᥤᥒᥲ ᥝᥨᥖ ᥖᥣᥰ ᥘᥣᥰ ᥐᥨᥢᥰ ᥕᥧᥱ ᥞᥣᥒᥰ ᥚᥬᥴ ᥛᥢᥰ. ᥝᥤᥱ ᥑᥤᥱ ᥚᥤᥱ ᥖᥤᥱ ᥕᥣᥱ ᥘᥭᥳ ᥘᥧᥐ ᥖᥤ ᥛᥧᥱ ᥓᥧᥛᥰ ᥟᥛᥱ ᥐᥧ ᥛᥫᥒᥰ ᥛᥫᥒᥰ၊ ᥚᥤᥒᥲ ᥒᥥ ᥐᥧ ᥙᥫᥒ ᥙᥫᥒ, ᥓᥥᥒᥱ ᥛᥧᥒ ᥕᥥᥛᥲ ᥐᥧ ᥚᥣᥭᥱ ᥚᥣᥭᥱ, ᥖᥣᥒᥰ ᥘᥫᥐ ᥔᥣᥒᥲ ᥐᥧ ᥟᥢ ᥟᥢ ᥔᥥᥴ ᥐᥩᥲ ᥐᥨᥢᥰ ᥖᥒᥰ ᥘᥛᥴ ᥟᥩᥢ ᥐᥢ ᥞᥨᥛ ᥔᥣᥒᥲ ᥝᥭᥳ ᥕᥝᥳ. ᥚᥧᥱ ᥛᥥᥰ ᥗᥖᥴ ᥑᥝᥴ ᥘᥭᥳ ᥐᥨᥝᥳ ᥘᥫᥒ ᥘᥦᥲ ᥖᥒᥰ ᥐᥨᥝᥳ ᥘᥫᥒ ᥛᥤᥰ ᥘᥩᥒ ᥘᥙ ᥕᥛ ᥐᥢ ᥞᥨᥛ ᥞᥥᥖᥱ ᥔᥣᥒᥲ ᥓᥩᥛᥰ ᥐᥢ ᥔᥥᥴ ᥞᥬᥲ ᥒᥫᥒᥳ ᥝᥥ ᥘᥭᥲ ᥓᥫᥰ ᥟᥢ ᥟᥛᥱ ᥕᥩᥛᥰ ᥞᥙ ᥘᥭᥲ၊ ᥘᥩᥒ ᥗᥥᥒᥴ ᥛᥨᥝᥰ၊ ᥘᥩᥒ ᥞᥥᥖᥱ ᥔᥣᥒᥲ ᥙᥥᥳ ᥙᥣᥳ ᥖᥨᥐᥱ ᥓᥥᥒᥱ ᥘᥥᥝ ᥟᥛᥱ ᥘᥢᥴ ᥘᥩᥒ ᥟᥛᥱ ᥔᥪ ᥕᥨᥝᥰ ᥓᥫᥰ ᥘᥭᥳ ᥕᥝᥳ.